Meginmarkmið Distica er að stunda markvissa dreifingu og afhenda:
Til þess að ná þessum markmiðum hefur verið byggt upp öflugt gæða- og vöruhúsakerfi.
Gæðakerfið hefur verið vottað síðan 1997, samkvæmt ISO staðli. Auk þess uppfyllir gæðakerfið kröfur Evrópusambandsins um góða starfshætti í lyfjadreifingu (Good Distribution Practice).
Frá árinu 1999 hafa verið notaðar þráðlausar handtölvur og strikamerkjakerfi í vöruhúsi fyrirtækisins. Með því og gæðakerfinu hefur verið hægt að tryggja öguð vinnubrögð, rétta afgreiðslu og fullan rekjanleika. Vöruhúsakerfið hefur verið eitt hið fullkomnasta hér á landi um árabil.
Eitt af skilyrðum fyrir veitingu markaðsleyfis fyrir lyf á Íslandi er að í hverri pakkningu sé fylgiseðill á íslensku með upplýsingum fyrir notendur. Í mörgum tilfellum fer umpökkun slíkra notkunarleiðbeininga fram hjá Distica en til þess þarf fyrirtækið framleiðsluleyfi þar sem slík viðbótarmerking er hluti af framleiðslu lyfja.
Nokkrir stærstu lyfjabirgjar Distica, sem jafnframt eru meðal stærstu lyfjaframleiðenda í heimi, hafa á undanförnum árum gert úttektir á vinnuferlum fyrirtækisins sem lúta að innflutningi, birgðahaldi og heildsöludreifingu. Þessar úttektir eru mjög mikilvægar og gagnlegar við áframhaldandi uppbyggingu og þróun fyrirtækisins og hafa staðfest að vinnuferli fyrirtækisins uppfylla strangar kröfur alþjóðlegra lyfjafyrirtækja í fremstu röð.
Árangur gæðakerfisins hefur ekki látið á sér standa. Ávinningurinn felst meðal annars í bættri frammistöðu í afgreiðslu, færri villum og aukinni ánægju viðskiptavina.