Halldór Vilhjálmsson, stjórnarformaður

Halldór Vilhjálmsson er sjálfstætt starfandi fjárfestir, en starfaði áður sem framkvæmdastjóri Icelease ehf. og var um árabil framkvæmdastjóri fjármálasviðs Flugleiða hf.  Halldór hefur setið í stjórnum fjölmargra fyrirtækja svo sem Flugfélags Íslands, Fjárvakurs, Kynnisferða og Bláa Lónsins.

Halldór útskrifaðist með Cand oecon gráðu frá Háskóla Íslands árið 1971.

Auðun Freyr Ingvarsson

Auðun er stofnandi Green in Blue, fyrirtækis á sviði hráefnisöflunar og vinnslu.  Hann gegndi áður stöðu framkvæmdastjóra hjá Norvik Timber Industries sem starfrækir timburvinnslu og sölu í Evrópu, og hefur setið í stjórn fjölda fyrirtækja á Íslandi og í Evrópu.  

Auðun nam iðnaðar- og vélaverkfræði við Háskóla Íslands og lauk þaðan námi árið 1996.  Hann hlaut meistaragráðu í aðgerðarrannsóknum og iðnaðarverkfræði frá Cornell háskóla árið 2004, og meistaragráðu í stjórnun frá Stanford árið 2006.

Jóhann Jónsson

Jóhann er framkvæmdastjóri ISI Seafood Ltd í Kanada.  Jóhann hefur víðtæka reynslu af fyrirtækjarekstri og hefur setið í stjórnum ýmissa fyrirtækja, þar á meðal í stjórn Iceland Seafood Corporation Ltd,  USA.

Jóhann lauk viðskiptanámi frá Samvinnuskólanum á Bifröst árið 1976.