Distica byggir á áratuga reynslu í vörustjórnun og dreifingu til lyfjabúða, rannsóknarstofa og heilbrigðisstofnana.
Fyrirtækið sinnir dreifingu lyfja um allt land og þjónustar fjölbreyttan hóp viðskiptavina, þar á meðal sjúkrahús, hjúkrunarheimili, tannlækna og dýralækna. Auk þess dreifir Distica rannsóknartækjum, rekstrarvörum og neytendavörum til verslana.
Distica rekur sérhæft vöruhús fyrir lyf og vörur sem krefjast hitastýringar og leggur áherslu á örugga og áreiðanlega meðhöndlun á öllum stigum, með öflugum gæða- og eftirlitsferlum. Markmiðið er að afhenda rétta vöru, í réttu magni, í réttu ástandi og á umsömdum tíma.
Við munum með ánægju skoða hvort þjónusta Distica gæti hentað þínu fyrirtæki. Vinsamlegast sendu okkur fyrirspurn á distica@distica.is.
